వరంగల్ వెలుగు!

వరంగల్ వెలుగు..!
****************
వరంగల్ జిల్లా
వాసికెక్కిన గడ్డా
లెంకపెళ్లి గ్రామం
రేయి లేని ఖ్యాతి
వరంగల్ వెలుగు
మణి హారపు కీర్తనం!
చ:_మూడు రంగుల నేల
మణులు దొర్లే దరహాసం
కాకతీయుల ముందు చూపు
నిండు కుండ తటాకములు
ఎడమ కొంగు గోదావరి
సిరులు చిందే చైతన్యం!
చ:_వేయి స్థంబాల వెలుగు
రాతి కోట రాజసం
తోరణాల సోయగం
రాళ్ళలో రమణీయం
శృంగారాల రామప్ప
భద్రకాళి భద్రత!
చ:_అడవి బిడ్డ సమ్మక్క
బంగారపు తూకాలు
శివసత్తుల పూనకాలు
జంపన్న యేటి ఘోష
కోర మీసాల కొమురన్న
ఐనవోలు ఆచారం!
చ:_ఆది మానవుల సమాధులు
పాండవుల గుట్ట చిత్రాలు
పెంబర్తి కాంశ్యాలు
చేర్యాల కలంకారి
చేతి వృత్తుల ఘన కీర్తి
వరంగల్ వైభవం!
చ:_పోతన పాళి లోన
భాగవతం లీల లెన్నో
పాలకుర్తి సోమన
ద్విపద వెలుగు లెన్నో
బూద రాజు పరిశోదన
జానపద వాంగ్మయం!
చ:_దాశరధీ అగ్ని ధార
కాళోజీ గొడవ గొడవ
గడీల ఆలయాల్లో
చిల్లర దేవుళ్ళఆట కట్టు
రంగాచార్య దీశాలి
వేదాల తెలుగు కర్త!
చ:_అడుగడుగున కవిత్వం
వెళ్ళి విరిసే సాహిత్యం
కుల వృత్తు గళాల్లో
ఉద్యమాల పాటల్లో
జాలువారే తెలుగు పాట
తెలంగాణ పద సంపద!
చ:_వైద్యులను తీర్చి దిద్దే
కాక తీయ కాలేజీ
రోగులకు ఇలవెలుపు
గాంధీ దవాఖాన
విజ్ఞానపు నిధులున్న
కాకతీయ విద్యాలయం!
చ:_రజాకార్ల రక్త దాహం
పిండారీల పైచాచికం
సాయుధ పోరాటంతో
తెగనరికిన ధీరత్వం
వరంగల్ తెగువ అది
జయశంకర్ ఓ సాక్ష్యం!
చ:_ఏనుమావుల మార్కెట్టు
పేరెన్నిక రైతులకు
రాష్ట్రాలను కలుపు బాట
ఖాజీపేట రైలు మార్గం
నిత్య అంగల్లతోటి
తిరణాల్లా వర్ధిల్లు!
చ:_పచ్చ నైన అడవులు
దట్ట మైన కొండలు
వన్య మృగాల పరుగులు
ప్రాణి కోటి నడయాడే
జిల్లాకే సౌభాగ్యం!
చ:_మలి ఉద్యమ తరంగం
అహింసకే పరమార్థం
ఎగసి పడిన జన జాతర
ఉలికి పడిన కేంద్రము
సిద్ధించిన తెలంగాణ
వరంగల్ కీలకం!
జైహింద్.
ఆకుల.రాఘవ.

అప్పగింతలు!

 అప్పగింతలు!

*************

కన్న కడుపు తెంచుకొని

మెట్టి నింటికి పంపుతున్నం!

ఓ... బంగరు కూతురా?

అత్తమామలు తల్లిదండ్రులు

తుది వరకు నీకు రక్ష!

తెలుసుకొని మసలుకొంటే?

నీ బతుకు స్వర్గమవును!

కని పెంచి పెద్ద చేసి

విద్య బుద్దులెన్నో నేర్పి

తీర్చి దిద్దిన అమ్మానాన్న

రెండిండ్లా పేరు మోసే

బహుమానం ఆ బ్రహ్మ

నా కిచ్చిన వరమా?

స్త్రీ జాతికి శిక్షనా?!

సృష్టికి నువ్వు మూలమమ్మ?

పున సృష్టికి దైవమమ్మ!

అందుకే ఆ బ్రహ్మ

రెండిండ్లా పేరు మోసే

బాధ్యత నీ కప్పగించి

దీపంగా వెలగ మనీ

నిన్ను తీర్చి దిద్దాడు!

కన్న ఇంటిలోన బతుకు 

స్వేచ్చా విహంగ మైతే?

మెట్టి నింటిలోన బతుకు

హద్దుల చట్రంలో బందీ!

ఎన్నాళ్ళని ఈ బతుకు

స్త్రీ జాతి మోయగలదు?

మార్పు ఎప్పుడో...బ్రహ్మ?

పెగుతెంచి నీ మెడలో

వేసినాము చూడయ్య!

చెయ్యి తీసి నీ చేతిలో

పెట్టినాము కనవయ్య!

నూరేళ్ళు తోడుగా...

బతుకంతా నీడలా...

చూసుకో...అల్లుడా!?

పది వేల దండాలు!!

జైహింద్.

Bharathmahan.com Full Movie || Sunil, Karuna, Karthik, Nayana

పాటల రికార్డింగ్ సందడి

మట్టి తోనే పరిమళం

మట్టితోనే పరిమళం!

******************

మట్టితోనే అల్లుకున్న

అనుబంధం రైతుది!

బతుకంతా సాగుతోనే

గడుపుతున్న ఋణ బంధం!

అదే రైతు జీవితం!

మట్టితోనే పరిమళం!!

మట్టిని నమ్మిన రైతుకు

వాన తోడు నిల్వగా

ఎండ తన వెంట రాగా

గాలి ఊపిరి పోయగా

చెమట రాలుస్తు రైతు సదా

విత్త నాలు విత్తుతూ...

పంట చేళ్లు పెంచుతూ...

కంటికి రెప్పల కాచి

సిరుల రాశు లెన్నో పోసు!

కాలం పగ పట్టినా?

భూమి నష్ట పరిచినా?

రెక్క లిరిగి ముక్కలైన

రాలింది చెమటే కదా?

అనుకున్నా రైతన్నా

హలం పట్టి ప్రతి రోజు

శ్రమ సమరం చేస్తు రైతు

పగలు రేయి చేళల్లో

పొద్దు పొడుపై వెలుగును!

అదే రైతు జీవితం!

మట్టితోనేపరిమళం!!

జైహింద్.

కాలానికి తలవంచని దీపం..!

కాలానికి తల వంచని దీపం!

************************

దీపం!

మానవుడు కనుగొన్న

మొట్ట మొదటి

ప్రత్యాన్మయ వెలుగు!

అది చీకట్లో...

మిణుకు మిణుకు మంటూ...

వెలుగుతూ... కాంతినిస్తుంది!

అది తళతళ వెలుగులు చిమ్ముతూ...

పగలును తలపించక పోవచ్చు?

కాని,కొండంత ధైర్యాన్నిస్తూ...

కాంతిని పంచుతుంది!

దీపం నుండి కాగడా

లాంతరు పెట్రోమాక్స్

ఇలా...ఎన్నెన్నో..?

రూపాంతరాలు చెందినా?

అవి కాలానికి తలవంచక తప్పలేదు?

దీపం మాత్రం కాలానికి

తల వంచ లేదు?

అది నేటికి ప్రతి ఇంట్లో

దేవాలయాల్లో

దేదీప్య మానంగా

వెలుగుతూనే వుంది!

కొన్ని ఆలయాల్లో

సంవత్సరం పొడవునా

గండ దీపంగా వెలుగుతూ...

దాని ప్రతిభను బాధ్యతను

చాటుతూ వెలుగు తుంది!

మానవుడు బొగ్గు నుండి

అణువిద్యుత్తును

జలం గాలి నుండి

జల పవన విద్యుత్తును

సృష్టించుకొని

ఎన్నెన్నో తళుకు బెళుకుల

రంగు లీనుతు...

చీకట్లో పగలను పంచినా?

కాలమాన పరిణామాల మార్పులకు

ఇట్టే ఆగిపోతుంది!

ప్రపంచాన్ని చీకట్లో

మగ్గెలా చేస్తుంది!

అది కాలానికి తల వంచక తప్పదు?

దీపం ఒక్కటే

కాలానికి తల వంచక

చీకట్లో కాంతి పుంజమై

తన వెలుగును పంచుతూ...

మన వెన్నంటి సాగుతుంది!

అదే దీపానికి వున్న గొప్పదనం!

దీపమా నీకు జోహారు!!

జైహింద్

ఆకుల.రాఘవ.

నవయవ్వన జావారాలు!

నవయవ్వన జవరాలు!

********************

గాలిలోన గంధమై

పరిమళాల నవ్వులతో

కళ్ళల్లో దృశ్యమై

మది గోడకు వెలాడిన

నవయవ్వన జవరాల!

శ్యాసనిండ నీ ఊపిరి

కౌగిళ్లసరాగాల్లో

అధరాల అమృతాలు

జాలువారే అభిషేకం!

చెక్కిల్లో గులాబీలు

దారపొస్తు నిను కొలిచా!

నవయవ్వన జవారాల

ధన్యమయ్యే నా జన్మ!

వెలుగులోన నీడలా

నదిలాగా నేను సాగి

యవ్వనాల కడలిలోన

కెరటాల్లా ఊయలూగి

విరహాల దాహలు

తనివి తీర సేవిస్తూ

నీలోన ఏకమై

నన్ను నేను మరచి పోయ!!

జైహింద్.

ఆకుల.రాఘవ.