యుద్దం
-----------
నీకు నాకు ఉన్నది
లింగబేదమే !
నువ్వు నేను కలువకుంటే
సృష్టి లేదు !మానవ సృష్టి లేదు !!
జాతి కులం మతం వల్ల
యుద్దాలేఅనుకుంటే
నీకు నాకు మధ్యన
యుద్దమే మొదలయ్యే !
ఆగిపోని పోరాటం
ఎంతవరకో చెప్పలేం ?!
మెడ వంచితే ముడి వేస్తివి !
గంగి గోవుల వెంటవస్తే
ఇంట్లోనే బంధించి
దాసిగా నన్ను చేస్తివి !
పట్టు పరుపుగ నన్ను చేసి
దొర్లి దొర్లి ఆడితివి !
పురిటి నొప్పుల బాధను
నాకంట గడితివి !
పిల్లల ఎదుగుదలకు
నన్ను ఎరువుగ వాడితివి !
ఇల్లే లోకమై
కృషించి కుంగిపోతి !
మూడు ముళ్ళ సంకేల్లెంది ?!
నీచేతిలో బంధి నెందుకు ?!
ఇంటి జైలులో నన్ను నువ్వు
ఎన్నాళ్ళు వుంచుతావు ?
ప్రతి రోజు నిలదీస్తూ
యుద్దమే చేస్తుంటివి ?
నాలుగు గోడల పంజరంలో
నాకెందుకు ఈశిక్షా ?
నీకన్నా రెండురేట్లు
సంపాదించి తేగలను !
ఇల్లాలుగ నాలెక్క
ఇంట్లోనే దాసిగుండు !
పురిటి నొప్పుల బాధేంటో
నువ్వు కని పెంచిచూడు !
కాదంటే నీకు నాకు
రాం ... రాం ... లాల్ సలాం !
మూడు ముళ్ళ ముడివిప్పి
నాముఖం పై విసిరేస్తివి !
నీకు నాకు కలయిక
మూడు ముళ్ళతోనే మొదలు !
ఆముడులే బంధానికి
కలకాలం గుర్తుగా
చేసుకున్న ప్రమాణం !
ముడిపడిన మన బంధం !
సంపాదన నాద్యేయం
ఇంటి బాధ్యత నీధర్మం
అనుకున్న ఒప్పందం
సాగుతున్న సంసారం
ఇప్పుడీ నిందేలేంటి ?
నీకు నాకు యుద్దమేంటి ?
ప్రకృతి యే కామ కేళీ !
అదే స్పూర్తి మనలో సాగే !
పురిటి నొప్పుల బాధకూడా
ప్రకుతి ధర్మమే !
అవునన్నా ?కాదన్నా ?
ఎవ్వరేమి చెప్పలేరు !
ఆడ అయిన మగ అయిన
నీ గర్భ సృష్టియే కదా ?!
ఆడ తనం అంటూ నువ్వు
నీకు నువ్వే చులకనై
నన్ను రచ్చ కీడు చుకుంటూ
యుద్దమే చేస్తుంటివి ?
నువ్వు నేను ఒంటరై
ఎన్నెన్ని సాధించిన
కలయిక లేని మన తనువులు
ఒంటరిగా మన గలవా ?!
తిట్టు కున్న కొట్టు కున్న
సర్దుకు పోతేనే కాపురం !
మేధలోన నువ్వు నేను
ప్రకృతికే తల మానికలం !
శక్తిలోన యుక్తిలోన
ప్రగతి పధ సారదులం !
పరిపాలన దక్షతలో
నువ్వు నేను మహోన్నతులం !
నీ చేయి పైన అయిన
నాచేయి పైన అయిన
కాపురానికి నవ్య క్రాంతి !
అభివృద్దికి మహా వారధి !
గుర్తెరిగి నువ్వు నేను
సాగిపోతే జయం!జయం!!
జైహింద్
No comments:
Post a Comment